Борис Какуринов – гитара, клавијатура; Илчо Нечовски – вокал, бас гитара и Мартина Баракоска – тапани, перкусии, го сочинуваат триото ДУПЕР. А тука започнува една нова приказна кога е музиката во прашање. Овие млади луѓе имаат само една песна зад себе, а веќе го привлекуваат вниманието на јавноста. Покрај самата музика која веднаш ќе ви се залепи за ушите, ќе ве плени и самиот видео спот. Впрочем добро видео е пресудно за еден целосен музички пакет.
Музиката, текстот и аранжманот на песната се на тројцата членови, истата е снимена во студиото „Подрумот“ кај Ангел Ќосев, а режијата на овој видео спот е на Томи Акимовски. Својот прв live настап бендот ќе го забележи на PMG Recordings Festival 8, па дотогаш имате малку време да ја научите оваа песна.
