Oд експериментални амбиентални пејзажи, до техно/тек хаус/дип хаус. 4 настапи. Судир на светови. Утре во Артикултура – Битола. Совршен рецепт за фокус кон индивидуата и доживувањето на ноќта со:
– Amplidyne Effect (ambient live set) [
www.ampeff.com ]
– Dimitar Dodovski (ambient & new age DJ set)
– Gora2d
– Mastrapiece
Amplidyne Effect е мултимедијален проект на Мартин Георгиевски кој експериментира со гитара, сајзери и ефекти, создавајќи комбинации и споеви кој варираат од амбиент, дрон и експериментална електроника, се до пост-рок и ноиз-рок; aмалгам на долги гитарски делници и длабоки амбиентални пасажи на моменти вознемирени со неочекуван ритам.
Звукот на Димитар Додовски, кој утре ќе настапи со амбиент и new age DJ сет вклучува спектар од даб текстури, медитативни и амбиентални звучни пејзажи, new age експерименти, се до апстрактни мелодиски делници кои пленат со својата хипнотичност.
Горазд Николоски чии што сетови се движат од техно кон тек хаус и дип хаус со размрдан ритам и искршени бас линии ќе настапи заедно со Матеј Шундовски кој носи свежа енергија во своите настапи со мелодично техно Тие заедно креираат нов стил кој создава приказна во текот на ноќта. Енергијата ја насочуваат кон креирање нова слика за смислата на звукот.
